麥亞里士打完成體測　加盟利物浦最後倒數

最強博彩盤路過關神器《串績王》：http://win.on.cc/football/　

今季失落歐聯席位嘅利物浦，夏天重建計劃有個好開始，阿根廷國腳阿歷斯麥亞里士打周三(7日)被影到喺利物浦訓練基地現身，據報佢已經完成體測，將會成為「紅軍」今夏第1個收購。

英國傳媒報道，白禮頓已同利物浦就6,000萬鎊(約5.84億港元)轉會費傾掂數，阿歷斯麥亞里士打亦即刻去利物浦做體測，周三被傳媒影到離開利物浦訓練基地，將會同「紅軍」簽約5年。阿歷斯麥亞里士打簽約後會返阿根廷國家隊報到，下星期會跟國家隊去北京踢熱身賽。

白禮頓領隊迪薩比早前亦表示，放走阿歷斯麥亞里士打係無可避免：「好抱歉，呢個係白禮頓嘅政策，阿歷斯麥亞里士打同摩西斯卡些度都可以去更大嘅球會，我哋已經準備好，我哋會物色其他好球員去取代佢哋。」