韋斯咸絕殺費倫天拿　58年來首奪歐洲冠軍

最強博彩盤路過關神器《串績王》：http://win.on.cc/football/　

周四(8日)凌晨歐協聯決賽，英超球會韋斯咸憑查洛保雲喺90分鐘絕殺，2比1擊敗意甲嘅費倫天拿，成功贏得冠軍。韋斯咸自1965年贏歐洲盃賽冠軍盃，相隔58年再次成為歐洲冠軍。

呢場喺布拉格上演嘅決賽，上半場雙方勢均力敵，費倫天拿控球較多但係威脅性唔大，基斯坦奴比拉基曾被球迷擲物掟到流血，半場兩隊踢成0比0平手。

換邊後兩隊開始埋牙，62分鐘基斯坦奴比拉基手球輸12碼，賓華馬為韋斯咸操刀射入，不過費倫天拿5分鐘後即由邦拿雲度拉追平，以為要踢加時之際，查洛保雲喺90分鐘單刀射入，為韋斯咸絕殺贏波。

今次係韋斯咸自1980年贏英足盃冠軍後，43年來首個重要賽事冠軍，更加係58年來首次成為歐洲冠軍，領隊莫耶斯賽後表示：「好神奇！我有個漫長嘅足球生涯，但好似呢啲夜晚並唔常見，比賽嘅過程唔係我預料，但最後都拎到想要嘅成績，贏得第1個冠軍係非常重要。」