【官宣】多蒙特證實　比寧咸1.15億鎊投皇馬

足球博彩神器，每日重心提供盡在《彩報》：http://win.on.cc/football/　

德甲勁旅多蒙特周四(8日)宣布，球會已經接納皇家馬德里收購祖迪比寧咸嘅開價，轉會總值達到1.15億鎊(約11.2億港元)，依家正辦理轉會程序，祖迪比寧咸未來幾日會飛去馬德里進行體測，正式簽約落實轉會。

多蒙特聲明表示：「祖迪比寧咸即將轉會皇馬，球會同球員已就交易達成共識，依家正協調合約嘅細節內容。」多蒙特更透露今次轉會嘅詳情，包括8,800萬鎊(約8.6億港元)現金，加上2,700萬鎊(約2.6億港元)浮動獎金條款，總值1.15億鎊。

現年19歲嘅祖迪比寧咸被譽為歐洲最佳年輕中場之一，佢年紀輕輕已效力多蒙特3季，上陣132場攻入24球，早被皇馬教練安察洛堤視為今夏增兵頭號目標。