美斯開發美國無限商機　最快幾時亮相？

最強博彩盤路過關神器《串績王》：http://win.on.cc/football/　

阿根廷球王美斯宣布將會加盟國際邁亞密，雖然佢表明金錢唔係首要考慮，不過美國嘅龐大商業市場，絕對係美斯做決定嘅重要因素之一。消息指美職(MLS)同負責轉播美職嘅Apple，甚至答應將轉播收益分畀美斯，傳聞7月22日可能係美斯首演大日子，當日比賽波飛已經火速賣晒。

美斯喺訪問入面表示，巴黎對佢屋企人並非理想居住地方，意思係美國更加適合佢哋一家人生活。據《The Athletic》報道，為促成美斯登陸美職，美職(MLS)同Apple TV+同意將部分轉播收益分畀美斯，MLS主要贊助商adidas亦係美斯長年合作夥伴，adidas同樣答應將美職部分收入同美斯分享。

雖然美斯已經公布意向，不過有關轉會手續仍需要時間落實，美職第2個轉會窗要喺7月5日先至開始，有傳聞指7月22日美聯盃作客藍十字，將會係美斯首次上陣嘅比賽，消息傳出後比賽波飛閃電售罄。