人望高處！拉菲爾古里路答應投拜仁

最強博彩盤路過關神器《串績王》：http://win.on.cc/football/　

多蒙特喺德甲煞科將冠軍拱手讓畀拜仁慕尼黑，估唔到轉會市場亦繼續被「食住」，今夏約滿嘅葡萄牙左閘拉菲爾古里路，據報已答應自由身加盟拜仁慕尼黑。再一次見到主力轉投死對頭拜仁慕尼黑，難怪多蒙特球迷大表失望。

現年29歲嘅拉菲爾古里路，2016年開始效力多蒙特，可惜7個球季都未能染指德甲冠軍，佢同球會合約夏天完結將會離隊，但令人意外嘅係，佢嘅目的地竟然係拜仁慕尼黑，據轉會權威記者Romano透露，雙方已就一份3年合約達成協議，下星期體測後就會正式簽約。

多蒙特喺德甲一直被拜仁「騎」住，近年亦見證過羅拔利雲度夫斯基、馬里奧葛斯、曉姆斯等主力向死敵跳槽，拉菲爾古里路就成為最新一個「叛將」，令多蒙特球迷非常失望。