巴斯東尼鑽研「魯迪格防守教材」

足球博彩神器，每日重心提供盡在《彩報》：http://win.on.cc/football/　

國際米蘭喺歐聯決賽被睇低半線，要捧盃嘅話首要任務係凍結曼城前鋒艾寧夏蘭特，肩負重任嘅國際米蘭中堅巴斯東尼，決戰前自爆鑽研皇家馬德里中堅魯迪格嘅踢法，希望重演佢喺歐聯4強「鎖死」艾寧夏蘭特嘅表現。

艾寧夏蘭特今季各項賽事為曼城入52球，巴斯東尼賽前表示：「我睇咗好多魯迪格嘅比賽影片，我哋會以佢喺4強對艾寧夏蘭特嘅表現作為模範，盡量搵方法向制止佢入波，當然，呢場決賽係曼城對國米，而唔係夏蘭特對國米，但我哋要做好準備。」

對國米嚟講算係喜訊嘅係，艾寧夏蘭特季尾腳風有回落迹象，佢喺最近8場比賽只係入過1球，當中包括2場歐聯4強賽事，以及英足盃決賽都入唔到波。