曼聯外借格連活特　搵摩Dad幫手教仔？

足球博彩神器，每日重心提供盡在《彩報》：http://win.on.cc/football/　

英國傳媒報道，曼聯打算將格連活特外借到其他聯賽，意甲、西甲同土超都係佢落腳地，其中羅馬係理想球隊，因為格連活特當日就係由摩連奴提拔上一隊，外借到羅馬嘅話，可以搵摩Dad幫手教仔。

《每日郵報》報道，雖然格連活特於今年2月已獲撤銷家暴指控，但基於道德問題，同埋出於對贊助商、女足及女性工作人員嘅考慮，曼聯唔放心畀格連活特歸隊，球會內部傾向將佢外借一年，以避風頭。

雖然有土超球隊提出願意接收，但曼聯希望格連活特去較高水平嘅意甲或西甲比賽，傳媒分析認為，外借到羅馬係最佳選擇，因為格連活特當年正是由摩連奴提拔上一隊，兩人早有接觸，而且摩連奴近年性情大變，已經變成摩Dad，格連活特將更願意接受管教，專心踢波，對球員身心發展都有好處。