普列錫IG露玄機　預示轉投A米

足球博彩神器，每日重心提供盡在《彩報》：http://win.on.cc/football/　

車路士中場基斯甸普列錫轉投AC米蘭傳咗好多日，近日從球員IG所見似乎就快搞掂，普列錫最新IG上傳自己喺美國隊嘅相，旁邊配上美國隊紅黑色，球迷即時明白當中用意，因為AC米蘭都係紅黑色，暗示佢將會轉投AC米蘭。

《米蘭體育報》報道，普列錫今季喺車路士淪為後備，上陣30場有20場後備，入1球2助攻，同車路士合約尚餘1年，身價估計為3200萬歐元，普列錫希望離開車路士尋找新挑戰，主動聯絡AC米蘭，更願意減薪加盟，佢喺車路士年薪為500萬歐元。

車路士陣容有人滿之患，新帥普捷天奴打算精簡陣容，多位球員將被出售，相信普列錫係其中之一，咁嘅環境，球員自己搵定後路都好正常。