列布夫重建烏克蘭：畢生光榮！

最強博彩盤路過關神器《串績王》：http://win.on.cc/football/　

受到戰亂問題困擾嘅烏克蘭，同德國踢熱身賽前獲名將列布夫答應執教，成為柏度哥夫1月離職後首個正式主帥，呢位昔日名將表示執教烏克蘭係「畢生光榮」，甚至揚言佢用一生時間去準備迎接呢個國家任務。

烏克蘭正值戰亂，依家甚至連主場都冇，不過49歲嘅列布夫仍決定負起重振烏克蘭足球嘅重任，上星期同烏克蘭足總簽約3年：「呢個係我畢生光榮，所有烏克蘭人都會以代表國家隊為榮，我用一生去準備呢個機會，我會盡力令球員踢出最好嘅足球。」

列布夫喺球員時代司職前鋒，同舒夫真高組成「夢幻組合」，雖然佢之後效力熱刺、韋斯咸等球會都表現麻麻，但仍無損佢喺烏克蘭球壇傳奇地位。列布夫教練生涯獲獎無數，曾帶領基輔戴拿模2奪烏克蘭聯賽冠軍、帶領費倫斯華路士3奪匈牙利聯賽冠軍，上年亦率艾阿恩贏阿聯酋聯賽冠軍。