搞掂！卡塔爾財團即將公布成功收購曼聯

足球博彩神器，每日重心提供盡在《彩報》：http://win.on.cc/football/　

曼聯賣盤計劃進入最後階段，英國《鏡報》及卡塔爾傳媒指，卡塔爾「官二代」謝克阿勒薩尼已成功說服紅魔鬼班主格拉沙家族出售手上所有曼聯股份畀佢，並將於短期內宣布完成收購。

格拉沙家族自上年11月宣布計劃出售曼聯後，已經過5輪競投，主要屬於謝克阿勒薩尼同英國富商拉特克利夫之爭，最新消息指謝克阿勒薩尼提出以50億鎊(約490億港元)收購曼聯100%股份，並承諾額外投資10億鎊(約98億港元)，用作改善主場奧脫福球場設施及振興周邊地區發展。

據悉謝克阿勒薩尼早前曾搵同屬卡塔爾人嘅巴黎聖日耳門會長艾卡理化幫手，一齊遊說格拉沙家族出售曼聯，可能發揮關鍵作用，但艾卡理化否認有關傳聞。

卡塔爾傳媒更加指，謝克阿勒薩尼已「完成」收購曼聯，好快會對外正式公布入主紅魔鬼。