艾簡治獲贈3冠球衣　揚言幫瑞士贏歐國盃

足球博彩神器，每日重心提供盡在《彩報》：http://win.on.cc/football/　

瑞士近年成為歐洲足球一大勢力，依家喺歐國外3戰全勝，陣中擁有格列沙加、恩尼森馬等星級球員，不過近期最紅要數中堅文路爾艾簡治，佢幫曼城實現「3冠王」大業後，豪言要幫瑞士贏埋歐國盃冠軍！

文路爾艾簡治上年由多蒙特轉投曼城，第1季即幫球隊拎晒英超、英足盃同歐聯冠軍，日前返瑞士國家隊，亦獲贈一件印上「3冠」圖案嘅瑞士波衫做紀念，表揚佢喺2023年所創造嘅偉大成就。

瑞士上仗2比1贏安道爾，27歲嘅文路爾艾簡治踢足全場，顯示佢未有受連日慶祝派對影響，呢位中堅更表示：「我哋要出線歐國盃決賽周，喺曼城贏晒所有冠軍之後，點解唔可以定更高目標？幫瑞士成為歐洲冠軍，有呢個目標係好合理。」