【有片】兩代天才　細哨x雲尼斯奧斯入靚波

足球博彩神器，每日重心提供盡在《彩報》：http://win.on.cc/football/　

美國奧蘭多周六(24日)上演一場星光熠熠慈善賽，由「朗拿甸奴隊」對「卡路士隊」，最終「朗拿甸奴隊」以4比3贏出。呢場比賽有大量球星參與，其中朗拿甸奴同雲尼斯奧斯祖利亞兩代巴西球星更合作炮製金球，成為全場焦點。

呢場叫「The Beautiful Game」嘅慈善賽，一眾球星都係志在Show腳法，奧高查先為「朗拿甸奴隊」入波，李華度就為「卡路士隊」追平，「朗拿甸奴隊」之後靠古華特同卡富入波領先3比1，隨即又被盧卡斯莫拉追番2比3。

朗拿甸奴x雲尼斯奧斯入波：https://rb.gy/0wgdl　

之後出現全場最精彩入波，保羅戴巴拿同朗拿甸奴中場發動攻勢，後者玩咗一輪後交出精彩過頭波，雲尼斯奧斯推入禁區後笠射建功，兩代巴西前鋒合作睇到球迷拍爛手掌。雲尼斯奧斯最後仲「轉會」改效力「卡路士隊」，並再入波拉近比數至3比4完場。