Kepa大婚變車路士「散水宴」

最強博彩盤路過關神器《串績王》：http://win.on.cc/football/　

歐洲球季休季期間，唔少球星都把握空檔同另一半拉埋天窗，車路士門將阿列沙巴拿加(Kepa)周二(26日)就舉行婚禮，不過典禮同時成為車路士「散水宴」，事關有份到賀嘅車仔隊友夏維斯、高華錫，據報都會喺日內轉會離隊，Kepa可以趁呢次婚宴同老友道別。

28歲嘅Kepa同女伴Andrea Martinez，選擇喺西班牙嘅馬爾韋利亞舉行婚禮，被影到出席嘅球星除咗依家車路士隊友夏維斯、高華錫外，仲有前車仔球員佐真奴同艾華路莫拉達，不過2位車仔球星夏維斯、高華錫都準備轉會，高華錫將會加盟曼城，而夏維斯就會過檔阿仙奴，佢同「未來隊友」佐真奴更率先喺婚禮合照，提前同阿仙奴球迷打招呼。

至於阿列沙巴拿加據報將會繼續留效車路士，消息指車仔新帥普捷天奴對佢嘅能力有信心，尤其艾度亞文迪被賣走後，阿列沙巴拿加嘅正選位置更加穩陣。