【官宣】Jisoo登陸英超！正式加盟賓福特

足球博彩神器，每日重心提供盡在《彩報》：http://win.on.cc/football/　

英超球會賓福特周一(26日)宣布，成功向南韓K2聯賽城南一和簽入新星金智秀(Kim Ji-soo)，雙方簽署4年+1年合約。18歲嘅金智秀被譽為「新金玟哉」，新球季會先為賓福特B隊上陣，但被睇好好快就會晉升一隊，賓福特總監亦大讚佢係「超級新人」。

同女子天團Blackpink嘅人氣偶像Jisoo同名，身高1米92嘅金智秀喺南韓球壇同樣備受注目，佢喺上年世青盃帶領南韓U20殺入4強，無論身型同純熟腳法都同金玟哉風格接近，自然成為歐洲球會爭奪目標，最終由賓福特成功贏出。

金智秀轉會後表示：「好遺憾唔可以好好同城南嘅球迷講再見，但我今次轉會係夢想成真，希望球迷會繼續支持我。」賓福特總監基利斯亦表示：「金智秀係超級新人，所有歐洲好多球會都想簽佢，好多謝我哋嘅轉會團隊完成收購，我哋會先安排佢學好英文同適應英國生活，並會畀佢跟一隊練習，視乎表現安排上陣。」