法明奴去沙特掘金　將加盟新升班球隊

最強博彩盤路過關神器《串績王》：http://win.on.cc/football/　

巴西前鋒羅拔圖法明奴今夏離開利物浦之後，去向備受關注，雖然曾經傳出皇馬、國際米蘭有意簽佢，但根據「轉會權威」記者羅曼諾(Fabrizio Romano)最新爆料，呢位31歲射手已經決定去沙特阿拉伯搵食，將會加盟新升班球隊吉達艾阿里，並簽約3年。

據悉羅拔圖法明奴已經口頭上同意加盟吉達艾阿里，佢將會接受體測，經理人團隊正在審核合約內容，如無意外雙方將會簽約至2026年。羅拔圖法明奴2015年由德甲球隊賀芬咸轉投利物浦，合共上陣362場射入111球，屬於紅軍史上第19位入波「100+」球員，佢同穆罕默德沙拿、沙迪奧文尼組成嘅「埃及文明鋒線」曾盛極一時。

不過，法明奴近年經常受傷，加上年紀唔細，最終未獲續約，今夏以自由身離開利物浦。羅拔圖法明奴加盟吉達艾阿里，意味將會同早前由車路士來投嘅門將艾度亞文迪做隊友。