拉素願平賣王牌中場　曼聯機會來了

最強博彩盤路過關神器《串績王》：http://win.on.cc/football/　

意大利傳媒爆料，指拉素王牌中場米連高域沙域拒絕續約，意味可於明夏自由身離隊，拉素為免人財兩失，準備今夏出售佢，只要求3,000萬歐元(約2.55億港元)轉會費。曼聯過去一直對呢位28歲塞爾維亞國腳虎視眈眈，依家機會終於來了。

米連高域沙域2015年由比利時球隊亨克加盟拉素之後，一直效力至今，呢位身高1米91嘅悍將技術全面，可以勝任中場任何位置，近2季入波都達雙位數，包括剛過去一季上陣47場入11球及8次助攻，近年獲得唔少大球會垂直，米連高域沙域亦希望登入豪門，所以決不唔續約。拉素惟有焗住提早出售佢，據報只要有球會願意出價3,000萬歐元以上轉會費，就可以帶走米連高域沙域。

曼聯上年夏天已經想收購米連高域沙域，但拉素當時開價太高，以致未能成事，現時情況唔同，紅魔鬼有機會平價買到佢。不過，祖雲達斯、巴黎聖日耳門都睇中米連高域沙域，預料會有一場搶人大戰。