【官宣】李斯特城連簽2將　誓重返英超

最強博彩盤路過關神器《串績王》：http://win.on.cc/football/　

新一季降班踢英冠嘅李斯特城，為盡快重返英超積極組軍，上月聘請意大利教頭馬利斯卡執教後，周六(1日)一口氣宣布簽入哈利雲克斯同高亞迪2名前英格蘭國腳，準備喺英冠大展拳腳。

李斯特城降班後反而大手筆，宣布以850萬鎊(約8,500萬港元)向狼隊簽入中堅高亞迪，呢位30歲球星曾經10次代表英格蘭國家隊，上季被外借去愛華頓亦有唔錯表現，佢將成為李斯特城後防核心。

另外，泰利文斯同占士麥迪臣相繼離隊後，「狐狸」立即補充中場，宣布羅致熱刺中場哈利雲克斯。熱刺青訓出身嘅哈利雲克斯，出道初期曾備受好評，亦為英格蘭國家隊上陣10次，可惜近年表現低沉，上季已被外借意甲森多利亞。