4古巴球員賽後失蹤　估計投奔美國

最強博彩盤路過關神器《串績王》：http://win.on.cc/football/　

4名古巴球員喺完成美洲金盃首戰後失蹤，冇隨隊上飛機，相信4名球員喺當地尋求政治庇護。報道指單喺2023年，古巴已經有30名精英運動員，透過去海外比賽，到其他國家尋求政治庇護。

古巴今屆金盃被編入D組，同加拿大、危地馬拉及瓜德羅普同組。古巴首場分組賽於佛羅里達州以0比1不敵危地馬拉，賽後球隊要坐飛機由邁阿密去休斯敦，備戰第二場對加拿大嘅分組賽，點知到飛機起飛都唔見4名球員身影，隨團嘅古巴記者估計，呢4人係尋求美國嘅政治庇護。據統計，自1999年起共有55名古巴足球員投奔美國。

至於今年古巴已經有多名精英運動員，趁出國比賽時離隊叛逃，今年3月就有古巴棒球明星普里耶多叛逃，累積2023年有30名運動員作出此決定，希望生活得到改善。