【官宣】法明奴加盟吉達艾阿里　簽約3年

最強博彩盤路過關神器《串績王》：http://win.on.cc/football/　

沙特阿拉伯聯賽又迎來1位球星，吉達艾阿里宣布簽入今夏離開利物浦嘅前鋒羅拔圖法明奴，雙方簽約3年，呢位31巴西國腳將會同早前由車路士來投嘅門將艾度亞文迪做隊友。

羅拔圖法明奴今夏約滿離開效力咗8年嘅利物浦，早前已經盛傳佢會加盟沙特聯賽新升班球隊吉達艾阿里，依家終於正式落實。據悉羅拔圖法明奴簽約之後，年薪高達2,000萬歐元(約1.7億港元)，比佢效力利物浦時期嘅人工多近1倍。

吉達艾阿里連續簽入2位英超球星艾度亞文迪、羅拔圖法明奴之後，增兵計劃仍然未結束，據悉下一個目標係簽入曼城翼鋒馬列斯。