港超聯　理文簽前荷甲兵　米素爾保利臣：期待踢亞冠

除愛沙尼亞國腳安尼亞外，港超聯球隊理文周六（8日）早上，在發布會上宣布簽入來自荷甲的米素爾保利臣。首度外流的米素爾保利臣，新一季會披起「黃黑軍團」的7號球衣，他表示對香港印象不俗，十分期待參與亞冠盃，並希望可以幫助球隊贏得聯賽冠軍。

現年30歲的米素爾保利臣，曾在荷甲上陣131場，上季為甘堡爾效力，共上陣29場及貢獻2入球。首次外流的保利臣來港短短2天，他表示對隊友及香港第一印象很好，惟在天氣上仍需要時間適應；保利臣又提到陣中彼此都能以英文溝通，乃吸引其加盟的最大原因，希望第一季就能交出好表現：「見到理文上年喺聯賽榜同傑志只係差2分，今年希望攞到冠軍，個人目標就係憑自身經驗，幫助其他隊友進步，同埋可以交出好多助攻畀到前鋒。」理文將於8月16日的亞冠外圍賽主場對印尼峇里聯，保利臣直言期待：「亞冠係亞洲版嘅歐聯，自己會喺呢1個半月好好準備。」

至於主教練曾昭達則指保利臣在位置上屬於「8號位」，與荷蘭國腳韋拿杜姆相似：「佢係技術型球員，喺球場上跑動好多，唔只淨係傳波，都會有突破能力。我反而會擔心天氣問題，但佢話自己有信心克服到，但要畀啲時間。」

【米素爾保利臣檔案】

姓名：Mitchel Paulissen

出生：1993年4月21日（30歲）

國籍：荷蘭

位置：中場

身高：1米83

球衣號碼：7