在拜仁不受重用　戴利白蘭特轉投基羅納

前曼聯後衞戴利白蘭特，將轉戰西甲加盟基羅納，只是通過體測就落實交易。白蘭特於2014至2018年曾效力曼聯，之後重返阿積士，今年年頭突然與阿積士解約，以自由身身份轉投拜仁，點知去到呢支德國班霸不受重用，雖然奪得德甲冠軍，但過去半季喺聯賽只上陣過4仗，自從3月對奧格斯堡披甲6分鐘後再冇出過場，便匆匆結束德甲之旅。這名代表荷蘭上陣101次嘅33歲老將，今次同樣係免費轉會，因為之前同拜仁只係短簽半年約，而佢亦成為基羅納史上首位荷蘭外援。