哈維班尼斯同意轉投紐卡素

足球博彩神器，每日重心提供盡在《彩報》：http://win.on.cc/football/　

紐卡素放棄斟介占士麥迪臣後，佢已經轉移目標，斟介另一位李斯特城球員哈維班尼斯，據報雙方已到落實階段，球員已同意轉投紐卡素，正同李斯特城談判中。

轉會專家Fabrizio Romano報道，紐卡素正推進哈維班尼斯轉會，同李斯特城進行談判，球員已同意加盟紐卡素，能否成行取決於談判結果，預計未來幾日將可達成協議。

25歲嘅哈維班尼斯可任左中場，上季上陣40場入13球3助攻，同李斯特城仲有兩年約，身價估計為3500萬歐元(約3億港元)。

李斯特城護級失敗後主力星散，泰利文斯過檔阿士東維拉，占士麥迪臣加盟熱刺，哈維班尼斯即將轉投紐卡素，各自搵到好歸宿。