國際足協禁C朗沙特豪門艾納斯簽人

足球博彩神器，每日重心提供盡在《彩報》：http://win.on.cc/football/　

上年引入C朗嘅沙特阿特伯豪門艾納斯，瘋狂挖角計劃遭嚴重打擊，國際足協（FIFA）頒下禁令，由於球會未能付清前李斯特城前鋒阿密特穆沙，因附加條款而增加嘅39萬鎊(約390萬港元)轉會費，艾納斯將被禁止於今夏轉會窗簽入新球員。

阿密特穆沙於2018年以1,400萬鎊(約1.4億港元)由李斯特城加盟艾納斯，當時合約訂明，以艾納斯聯賽成績做附加條款，結果艾納斯2020年奪得聯賽冠軍，雖然同年阿密特穆沙被放棄，但呢支沙特豪門，仍然要畀39萬鎊李斯特城。

國際足協表示，佢哋喺2021年已經警告過艾納斯，如果唔找尾數，會罰佢哋唔可以簽人，但事件一直未解決，結果FIFA就宣布有關判決。FIFA有權將有關禁令增至3個轉會窗，沙特傳媒報道，艾納斯將會盡快找數，希望可以解除禁令。