連格自行開操　朗尼有賺錢大計

最強博彩盤路過關神器《串績王》：http://win.on.cc/football/　

約滿諾定咸森林回復自由身嘅連格，暫時未定去向，日前佢出po發布自己操練同健身片段，有報道指佢可能去美職發展，另邊廂，華盛頓聯隊主帥兼舊隊友朗尼近日表示，美職有條賺錢財路，可以搵連格合作。

雖然未有班落，但連格已經自己開操，拍住佢一齊嘅係效力華盛頓聯隊嘅舊曼聯隊友拉夫摩利臣，亦因為拉夫摩利臣嘅關係，連格有機會去美職發展，跟朗尼搵食。

原來朗尼都有諗過搵連格合作，佢近日接受《泰晤士報》訪問，坦言自己去年曾經將連格名字加入球隊嘅「發現名單」，此舉可以為球隊帶來收入。

朗尼解釋指：「美職規定，每隊嘅『發現名單』最多可以填7名球員，去年我填咗連格落去，假如有美職球隊簽入連格，華盛頓聯隊就可以收取一定收費，原因係我『發現』咗連格。」