迪尼斯加盟艾納斯　同C朗再做隊友

最強博彩盤路過關神器《串績王》：http://win.on.cc/football/　

沙特阿拉伯豪門艾納斯又從歐洲球壇簽入新兵，根據「轉會權威」記者羅曼諾(Fabrizio Romano)爆料，艾納斯已同曼聯達成協議，以400萬鎊(約4,070萬港元)收購紅魔鬼左後衞阿歷士迪尼斯，意味呢位30歲巴西國腳將會再次同葡萄牙巨星C朗做隊友。

阿歷士迪尼斯3年前由波圖轉投曼聯，但不獲重用，上季被外借去西甲球隊西維爾，上陣38場，協助球隊奪得歐霸盃冠軍。不過，西維爾拒絕買斷阿歷士迪尼斯，曼聯亦無意收回佢，結果以低價出售畀艾納斯，阿歷士迪尼斯轉會之後，可獲得700萬歐元(約6,100萬港元)年薪。

阿歷士迪尼斯以助攻力強見稱，曾經同C朗喺曼聯做過隊友，相信佢加盟艾納斯之後，可以為C朗創造更多入波機會。