外流港将　闯荡加国联赛　吴婉琪憧憬踢职业

女子世杯周四（20日）揭开战幔，球迷将目光转向大舞台的同时，也有本地足球女将选择到外地联赛闯荡，其中就包括港队门将吴婉琪（Nesta），远赴加拿大挑战当地女子联赛。Nesta透露今次外流，多少受到港队队友吴卓蔚（阿Mi）的启发，并不忘分享到其长远目标：“我会抱住一个想（在加拿大）留低嘅心态。”

过去曾踢过东区、晋峰及愉园等本地女子足球队的Nesta，今年初仍为女甲劲旅车路士足球学校（香港）效力，近年她亦已成为港队常客，包括今年年初有份出战土耳其杯及奥运亚洲区外围赛，她透露正正是在年初两个代表队赛事中间，收到有机会外流加拿大的消息：“加拿大呢度有队新搞嘅球队周围搵球员，我又一直都想外闯，所以就将自己嘅比赛片发送畀佢哋，终于收到邀请，知道嗰下都好开心。”

虽说过往曾有赴英国交流的经验，但今次要只身到异地落班，Nesta表示当初难免有担心：“始终加拿大自己连旅行都未去过，唔知呢度嘅环境系点。”Nesta说外流是自己在攻读大学学位时已萌生的念头，最终能够起行，她也难掩兴奋：“以前曾经差啲有机会外流，但都系想读埋个学位先，想感受外国嘅踢波文化。”

近年不少本地足球女将勇闯海外联赛，包括同为门将的吴卓蔚（阿Mi），Nesta承认正是这位港队队友的外流经历，赋予她更多勇气去外闯：“‘阿Mi’外流之前，我都只系有呢个谂法，但未有好努力去实行，因为成日觉得自己冇外国球员叻，加上自己身形喺亚洲嚟讲唔算高，所以担心自己去到外国唔够争，但透过佢（阿Mi）嘅经验睇到，身高系紧要，但技术先系最重要，呢个系畀到信心自己。”

Nesta所效力的Master‘s FA属加拿大第二级别女子联赛球队，对于香港与当地联赛的分别，她也深有体会：“呢度系好识用身体去踢波，香港唔小心踢低对手，啲人都会话你好茅，但呢度系吓吓都会撞落去，对佢哋嚟讲系好普通嘅身体碰撞，就算练波都好多碰撞唔会收脚。另外同香港嘅比赛节奏都好唔同，呢度踢法系更硬朗，速度更快。”她说适应了当地高强度和速度的比赛，对提升能力有很大帮助，并提到当地球队的进取踢法和心态，亦令其感觉新鲜：“同香港先做好防守唔同，我队波即使排名较后，都唔系净系练防守，亦都会练进攻，呢度系会讲进攻先，谂法系好唔同。”

香港女子足球队备战9月杭州亚运将进入最后阶段，Nesta也透露完成当地球会赛事后，会于本月底回港全力投入港队集训，力争打入决选大军名单。今次加拿大外流之旅将暂告一段落，但Nesta心中希望继续争取外闯的那团火，似乎仍未熄灭：“我会抱住一个想留低嘅心态，加拿大讲到明有个目标系2025年想搞职业联赛，想睇下自己踢唔踢到职业，踢唔到就试下半职业，毕竟喺香港踢咗咁多年波，都好想睇下喺外国自己嘅等级去到边。”

【球员资料】

吴婉琪

出身日期：1997年12月20日（25岁）

位置：门将

曾效力球队：东区、晋峰、愉园、车路士足球学校（香港）

吴婉琪女子世杯Q&A

喜爱球队：

Nesta:锺意睇日本队，因为佢哋踢法好细腻，而且身形同香港人相近，好值得学习。

最爱球星：

Nesta:钟意娜宾露，最钟意系佢嘅人格够敢言，帮女足争取到好多嘢。

心水冠军：

Nesta:睇好美国队夺冠，但因为钟意睇日本队，所以支持日本队，希望可以继续晋级有得继续睇。