第3個！佐迪艾巴投國際邁亞密

足球博彩神器，每日重心提供盡在《彩報》：http://win.on.cc/football/　

繼美斯同布斯基斯後，國際邁亞密周五(21日)官宣簽入佐迪艾巴，簽約2年半，3位前巴塞隊友將在國際邁亞密攜手征戰美職。

佐迪艾巴效力巴塞長達11年，係巴塞第3隊長，佢原本同巴塞仲有1年合約，但經協議後無條件解約，以自由身轉投美職；喺巴塞年代，佢拍住美斯同布斯基斯已經贏過晒歐洲所有錦標，而佢經常喺左路助攻美斯更係一大殺着，嚟緊有望喺美職重現呢個進攻套路。

原來喺國際邁亞密未官宣之前，球隊已經幫佐迪艾巴報定名參加中北美聯賽盃，參賽名單已經有佢名，可以直接上陣，可能好快就見到3人合作。

國際邁亞密組建嘅「美斯朋友隊」嚟緊仲有成員加入，報道指剛離開神戶勝利船嘅恩尼斯達，同埋踢緊巴甲嘅蘇亞雷斯都有可能加盟，到時仲熱鬧。