曼聯第3門將都有人爭？雙「頓」搶奪湯希頓

最強博彩盤路過關神器《串績王》：http://win.on.cc/football/　

曼聯傳奇門將迪基亞今夏離隊，副選甸恩軒達臣亦好可能走人，估唔到連第3門將湯希頓都面臨被挖角，愛華頓、新升班球隊盧頓同樣有意簽入呢位37歲老將。

盧頓獲得英超席位後，正在積極增兵，力爭來季護級成功，早前已簽入伯明翰翼鋒鍾達希，呢位23歲荷蘭新星屬於曼聯青訓產品，盧頓依家又向同樣出身於紅魔青訓系統嘅湯希頓埋手。

雖然曼聯領隊坦哈格想留用呢位老將，以備不時之需，但佢上季僅於盃賽上陣2次，感到意興闌珊，唔排除會接受盧頓邀請，爭取更多上陣機會。

此外，愛華頓亦加入爭奪湯希頓，因為現時正選門將比克福特可能離隊，副選比高域已拒絕續約走人，領隊戴治認為湯希頓係合適替代人選，至於最終花落誰家，大家拭目以待。