【有片】沙夏加盟加拉塔沙雷 變成超級巨星

2023年07月24日 18:02
東網電視
更多新聞短片
韋費特沙夏獲加拉塔沙雷球迷英雄式歡迎。
去片睇韋費特沙夏獲得英雄式歡迎:https://rb.gy/yqle9 
水晶宮翼鋒韋費特沙夏今夏約滿之後,一度傳出獲多間沙特阿拉伯豪門垂青,但呢位30歲科特迪瓦國腳最終決定加盟土耳其勁旅加拉塔沙雷,並已抵達當地接受體測,獲得英雄式歡迎,瞬間由英超二三線球員變成超級巨星。
韋費特沙夏出身於水晶宮青訓系統,曾於2013年轉投曼聯,但不受重用,其後又重返水晶宮,過去9季一直效力呢支倫敦球隊。水晶宮曾經開出20萬鎊(約200萬港元)周薪,希望韋費特沙夏續約,但佢拒絕,同時拒絕沙特阿拉伯豪門艾納斯開出嘅900萬鎊(約9,000萬港元)年薪合約,結果選擇加盟加拉塔沙雷。
韋費特沙夏抵達土耳其後,獲大批球迷歡迎,加拉塔沙雷亦佢安排介紹儀式,同球迷互動,場面非常墟冚。據悉韋費特沙夏將會簽約3年,獲得800萬鎊(約8,000萬港元)年薪,加拉塔沙雷係上季土超冠軍,可以參加來屆歐聯,相信亦係吸引韋費特沙夏加盟嘅原因之一。
另外,加拉塔沙雷亦決定向巴黎聖日耳門(PSG)買斷前鋒莫路伊卡迪,轉會費為1,000萬歐元(約8,700萬港元),雙方將簽約3年。莫路伊卡迪上季以借用身份為加拉塔沙雷上陣24場聯賽入22球。
最強博彩盤路過關神器《串績王》:http://win.on.cc/football/