【官宣】白禮頓再添兵　伊戈祖利奧加盟

足球博彩神器，每日重心提供盡在《彩報》：http://win.on.cc/football/　

英超神奇球隊白禮頓今季將出戰歐霸盃，球隊為增強實力，周四(27日)宣布向費倫天拿簽入巴西中堅伊戈祖利奧，轉會費約1,500萬鎊(約1.51億港元)，雙方簽約4年，白禮頓領隊迪薩比對呢位中堅讚不絕口。

白禮頓貫徹唔買名牌嘅作風，25歲嘅伊戈祖利奧雖然未踢過巴西國家隊，但已經喺意甲征戰多年，上季更協助費倫天拿殺入歐協聯決賽，作為左腳嘅用波中堅，白禮頓視佢為回歸車路士嘅高維爾代替者。

白禮頓領隊迪薩比表示：「伊戈祖利奧係另一個重要球員，佢會喺關鍵位置幫助球隊，中堅位置係白禮頓嘅核心。」白禮頓今季已簽入占士米拿、達侯特、祖奧柏度等實而不華嘅球星，希望喺英超同歐洲賽大展拳腳。