占士洛迪古斯回流南美　簽約聖保羅

足球博彩神器，每日重心提供盡在《彩報》：http://win.on.cc/football/　

哥倫比亞球星占士洛迪古斯近年發展麻麻，今年4月被奧林比亞高斯炒魷後，一直搵唔到球會落班，不過轉會權威Fabrizio Romano爆料，「J神」已經同巴甲勁旅聖保羅達成協議，將會飛巴西正式簽約。

32歲嘅占士洛迪古斯喺阿根廷班菲特成名，之後踢過波圖、摩納哥、皇家馬德里、拜仁慕尼黑、愛華頓等大球會，但2年前離開英超後一直下滑，去卡塔爾同希臘搵食都踢唔掂，相隔13年後終於再返南美搵食。

Fabrizio Romano指占士洛迪古斯已同聖保羅達成口頭協議，人工約300萬歐元(約2,600萬港元)年薪，同佢喺奧林比亞高斯嘅合約相近。