【官宣】J神投聖保羅　生涯第10個國家落班

足球博彩神器，每日重心提供盡在《彩報》：http://win.on.cc/football/　

哥倫比亞球星占士洛迪古斯(J神)，周日(30日)正式簽約加盟巴甲勁旅聖保羅，雙方簽約2年。32歲嘅占士洛迪古斯今次轉戰巴甲，係佢職業生涯喺第10間球會，有趣嘅係10間球會分別嚟自10個國家，堪稱球壇嘅「旅遊達人」。

占士洛迪古斯喺2014年巴西世盃成名，佢自由身簽約聖保羅後表示：「我係呢度畀全世界認識我。聖保羅件波衫係全巴西最有份量，我唔想錯過着起呢件球衣嘅機會，神奇嘅事情總會出現喺巴西、總會出現喺聖保羅。」

占士洛迪古斯喺哥倫比亞球會恩維加多出道，之後踢過班菲特(阿根廷)、波圖(葡萄牙)、摩納哥(法國)、皇家馬德里(西班牙)、拜仁慕尼黑(德國)、愛華頓(英格蘭)、艾雷恩(卡塔爾)、奧林比亞高斯(希臘)，今次巴西落班係佢第10個征戰嘅聯賽。