【官宣】J神投圣保罗　生涯第10个国家落班

足球博彩神器，每日重心提供尽在《彩报》：http://win.on.cc/football/　

哥伦比亚球星占士洛迪古斯(J神)，周日(30日)正式签约加盟巴甲劲旅圣保罗，双方签约2年。32岁嘅占士洛迪古斯今次转战巴甲，系佢职业生涯喺第10间球会，有趣嘅系10间球会分别嚟自10个国家，堪称球坛嘅“旅游达人”。

占士洛迪古斯喺2014年巴西世杯成名，佢自由身签约圣保罗后表示：“我系呢度畀全世界认识我。圣保罗件波衫系全巴西最有份量，我唔想错过着起呢件球衣嘅机会，神奇嘅事情总会出现喺巴西、总会出现喺圣保罗。”

占士洛迪古斯喺哥伦比亚球会恩维加多出道，之后踢过班菲特(阿根廷)、波图(葡萄牙)、摩纳哥(法国)、皇家马德里(西班牙)、拜仁慕尼黑(德国)、爱华顿(英格兰)、艾雷恩(卡塔尔)、奥林比亚高斯(希腊)，今次巴西落班系佢第10个征战嘅联赛。