曼聯第4簽準備中　傾妥「安拉拔」個人條件

足球博彩神器，每日重心提供盡在《彩報》：http://win.on.cc/football/　

曼聯未來幾日將會出價簽入賀蘭特，係繼美臣蒙特同奧拿拿之後今夏第3簽，其實佢哋第4簽已在準備中，就係即將斟介費倫天拿中場蘇夫恩岩拉伯特，消息指該摩洛哥國腳已同曼聯傾妥個人條件，稍後同費倫傾轉會。

轉會權威斯基拉報道，蘇夫恩岩拉伯特已經同曼聯達成個人協議，簽約5年，年薪400萬歐元(約3,440萬港元)，佢本人非常樂意加盟曼聯，因為佢喺烏德勒支初出道，當時主帥就係坦哈格。

26歲嘅蘇夫恩岩拉伯特上季協助費倫打入歐協聯決賽，最終不敵韋斯咸得亞軍，佢亦係去年卡塔爾世盃摩洛哥打入4強主力成員，電視台譯名叫「安拉拔」，佢同費倫尚餘1年合約，但已協議今夏離隊，轉會費估計為2,800萬歐元(約2.4億港元)。