車路士簽法國世盃中堅　轉會費3.8億

足球博彩神器，每日重心提供盡在《彩報》：http://win.on.cc/football/　

車路士集訓期間繼續增兵，多間傳媒報道，摩納哥法國世盃中堅阿素迪沙斯以4,500萬歐元(約3.8億港元)轉會費加盟車路士，簽約5年，球員已將前赴倫敦接受體檢，稍後簽約落實。

車路士今夏大換血後，可用中堅只有老將堤亞高施華、杜利奧查洛巴同小將高維爾，韋斯利科芬拿同班洛特巴迪亞舒尼養傷，短期內難以上陣，球隊急需簽入中堅迎接新球季，阿素迪沙斯加盟令問題迎刃而解。

25歲嘅阿素迪沙斯上季為摩納哥上陣38場，交出3入球3助攻，佢亦係卡塔爾世盃法國打入決賽成員，之前喺摩納哥同班洛特巴迪亞舒尼係後防拍檔，依家兩人先後加盟車路士，喺英超再合作。

轉會專家羅曼諾報道，車路士同摩納哥已交換相關文件，交易即將敲定，轉會費為4,500萬歐元，簽約5年。