【官宣】車路士簽白禮頓門將　簽約7年

足球博彩神器，每日重心提供盡在《彩報》：http://win.on.cc/football/　

車路士周六(5日)官宣簽約白禮頓西班牙門將羅拔山齊士，簽7年長約至2030年，據報轉會費2,500萬鎊(約2.5億港元)，車路士已經有另一西班牙門將阿列沙巴拿加，普捷天奴打算讓兩位門將輪流踢。

25歲嘅羅拔山齊士係白禮頓青訓產品，3年前提拔上一隊，上陣3季共上陣90場，其中上季上陣25場，有8場保持不失，不過自從主帥樸達被車路士挖角，新領隊迪薩比一度將佢貶為後備，曾引起其不滿而罷踢，依家車路士簽佢返嚟，未知會否影響球隊。

據報羅拔山齊士轉會費分為兩部分，2,000萬鎊為固定轉會費，另加500萬鎊浮動條款；稍後車路士將繼續向白禮頓斟介中場摩西斯卡些度，雙方就轉會費已拉鋸一段時間，白禮頓堅持要1億鎊(約10億港元)，相信仲有排傾。