車仔通知祖記　盧卡古換華荷域唔work

盧卡古轉會鬧劇陷入僵局，車路士近日通知祖雲達斯，表示盧卡古交換杜辛華荷域方案唔work，原因係雙方條件差距太大。

意大利《天空體育》報道，車仔同祖記就今次交易有嚴重分歧，祖記希望簽入盧卡古，另獲得4,000萬歐元(約3.4億港元)現金，車路士則簽入杜辛華荷域，但只願支付不超過2,500萬歐元(約2.15億港元)。

車路士希望出售盧卡古，簽入杜辛華荷域，但唔想畀太多現金，因為盧卡古並非「賣剩蔗」，至少仲有沙特球隊對渣古有興趣，就算轉會窗關閉，仲有沙特球隊呢條後路可行。