晉峰會方在上季煞科戰，邀請了8位「樂天女孩」來港，與球迷一同在青衣運動場橫風橫雨下，見證球隊贏波，場內氣氛高漲。晉峰會長黃俊雄周一(14日)在球隊新季的祈福儀式上向球迷作出承諾，將會再次邀請樂天女孩來港，包括人氣最高的林襄！

上季煞科戰晉峰對香港U23一飛難求，原本一場例行公事，關注度卻拍得住理文對傑志的冠軍戰，原因正是「粉紅兵團」會長，在賽前3周公布，會邀請8名樂天女孩成員來港為球隊打氣。有云「橋唔怕舊，最緊要受」，「黃會長」表示今季將會再次邀請該台灣啦啦隊天團來港，他說：「我保證上次冇嚟嘅今次會嚟番，包括林襄，唔係嘅話就叫佢哋成隊唔好嚟！日期仲諗緊，可能係年尾臨近聖誕，或者農曆新年等大時大節。」

各位球迷，記得留意啦！