曼城「空龍」新戰術　艾達臣成秘密武器

曼城領隊哥迪奧拿一向係戰術大師，佢主打嘅傳控足球不斷演變，今季更加試玩4-2-5陣式嘅「空龍」戰術難，巴西門將艾達臣摩拉斯經常會化身4人防線之一，哥迪奧拿亦稱佢係球隊進攻嘅秘密武器。

現代足球嘅門將講究腳法同組織力，曼城由季前熱身開始，就經常將艾達臣摩拉斯推上前成為3人或4人防線之一，上場英超面對般尼，佢嘅傳球次數係全隊第2高，考慮到佢當中有唔少係直接交畀艾寧夏蘭特、祖利安艾華利斯等攻擊球員嘅長傳，80%傳球成功率亦係非常之高。

哥迪奧拿對於艾達臣摩拉斯嘅作用，直指佢係「我哋可以利用嘅武器」，而艾寧夏蘭特亦表示：「如果可以由龍門直接交波畀箭頭，點解唔做？我哋應該咁做！」