川迪放棄斟曼聯小將　坦哈格計劃落空

荷蘭傳媒報道，川迪近日將曼聯小將法根度柏利斯查從引進名單剔除，表示該隊放棄借用該21歲烏拉圭國腳。

法根度柏利斯查同川迪搭上，係由坦哈格一力促成，川迪係坦帥出道球會，佢打算安排柏利斯查外借到川迪磨鍊，亦可幫助母會川迪爭取成績，不過依家算盤打唔響，川迪已經放棄斟介。

曼聯亦有自己考慮，主要係經過兩場英超，曼聯出現前鋒人腳不足問題，進攻選擇唔多，柏利斯查開季兩仗均獲上陣機會，如今未能轉戰荷蘭，柏利斯查今季可能要諗吓點樣做曼聯嘅後備殺手。