格云贝治拒荷兰U21征召　朗奴高文轰自私

夏天转会窗关闭前加盟利物浦嘅赖恩格云贝治，因为希望专心安顿“红军”嘅新生活，最近拒绝荷兰U21国家队征召，不过呢个举动就引嚟荷兰一众教练强烈不满，荷兰领队朗奴高文亦公开批评赖恩格云贝治，隔时影响佢喺国家队嘅前途。

21岁嘅赖恩格云贝治曾11次为荷兰国家队上阵，今轮国际赛佢获荷兰U21征召，喺U21欧国外对摩尔多瓦U21同北马其顿U21，但呢位利物浦新兵就拒绝召唤，希望可以专心安顿好喺英国嘅生活，尽快融入利物浦。

荷兰领队朗奴高文表示：“我哋对佢嘅决定感到失望，我哋唔锺意见到球员拒绝为U21比赛，为国家队比赛系义务同光荣。”荷兰U21领队雷斯加亦表示：“为国家队比赛系光荣，亦可以建立你嘅名声，唔可以只系谂自己嘅利益，你拒绝呢个机会，唔代表国家队下次都会畀机会你，我只想要真心为国家效力嘅球员。”