尼馬、李察利臣練波開拖？驚爆受傷疑雲

巴西國家隊周三(6日)為世盃外進行操練，今夏轉戰沙特阿拉伯後仍未上陣嘅尼馬，喺練習中一度受傷離場，幸經軍醫治療後可以重返訓練場。不過操練期間又有事故，李察利臣「唔收腳」踢向尼馬，尼馬疑似發火，隨即起腳踢番李察利臣報復。

尼馬今年2月重傷受咧，到夏天先至復出，轉投希拉爾後仍未上陣，滿身傷患嘅佢仍然入選巴西國家隊，點知練習期間出現埋牙鏡頭，李察利臣從後搶波唔收腳，尼馬及時舉起右腳避開，尼馬隨即轉身起腳踢李察利臣，左手亦有揮拳動作。

影片曝光後引起球迷熱議，有人認為尼馬不滿李察利臣而發火打人，但亦有球迷覺得兩人只係「開玩笑」，始終李察利臣一直視尼馬為偶像，佢身上甚至有尼馬嘅頭像紋身，相信嚟緊對玻利維亞同秘魯2場世盃外，仍然好大機會拍住上。