東網電視
更多新聞短片
尼高拉斯積遜失機頻頻。(Getty Images)
車路士今個夏天雖然大事擴軍，不過開季成績持續低迷，4場聯賽只得1勝1和2負成績，其中新加盟嘅塞內加爾前鋒尼高拉斯積遜，更加成為英超「失機王」。
車路士用3,200萬鎊(約3.2億港元)喺維拉利爾收購尼高拉斯積遜，佢喺第2場聯賽對盧頓就入波，不過統計顯示，呢位22歲前鋒4場聯賽合共錯失6次「黃金機會」，而xG(預期入球)係-2.4亦係英超最差球員，慘情登上英超「失機王」寶座。尼高拉斯積遜上場對森林門前3碼射高，成為車路士輸波罪人。
尼高拉斯積遜被譽為「新杜奧巴」，車路士名將加拿斯對佢未來發展仍表示樂觀：「我覺得佢仲需要時間適應英超，喺英超入波唔係容易嘅事，佢嘅決定有時比較心急，如果可以冷靜啲咁踢波，入球係遲早嘅事。」
