箭頭個個弗 英格蘭大起烏克蘭
2023年09月09日 16:02
東網電視
更多新聞短片
英格蘭雙箭頭拉舒福特及哈利卡尼大勇。(Getty Images)
歐國外C組搶分戰，烏克蘭迎戰英格蘭，今年初英格蘭主場兩球擊敗烏克蘭，球隊4戰4勝高踞榜首，今仗自然希望繼續贏波擴大優勢，烏克蘭主場出擊亦會盡全力搶分，唔會退守求和，英格蘭近7仗6次開3球或以上，再追2.5球入球大。(周日凌晨零時開賽)
「三獅兵團」失意世盃後再出發，喺歐國外取得理想開局，連勝意大利、烏克蘭、馬爾他同北馬其頓，4仗攻入15球僅失1球，可謂攻守兼備，只要保持強勢，出線應無問題。
修夫基今次點兵繼續派強陣，哈利卡尼、布卡約沙卡同拉舒福特三位箭頭近況出色，中場祖迪比寧咸喺西甲大爆發，迪格蘭賴斯剛於「仙魔會」攻入致勝球，均屬入球保證，不過阿歷山大阿諾特、勞基梳爾、史東斯缺陣，防守陣容略嫌單薄，未必能保持清白。
烏克蘭在小組3戰2勝1負暫居次席，將同衞冕嘅意大利力爭出線席位，佢哋今仗同樣強陣出擊，中前場梅迪歷、耶莫蘭高、辛真高悉數在陣，進攻陣容甚為可觀，但後防相對較弱，面對攻力強勁嘅英格蘭，預料將合演入球騷。
更多賠率：