香港隊　順利大勝　安帥：打咗支強心針

香港男子足球代表隊周一（11日）在國際足球友誼賽，10比0大破汶萊，取得近1年來首場勝仗，主教練莊恩安達臣賽後表示，今場以大比數取勝，能夠加強球員信心，在10月面對不丹的世盃外第1圈賽事全力爭勝。

港隊是役上半場已領先3球，下半場未有收手，最終大勝10球完場，「安帥」認為有助提升球隊信心，以更佳狀態應付不丹：「最緊要係令球員打番起信心，我哋已經好耐冇試過，單場入咁多球，加上下個月要對不丹，所以喺今個國際賽期搵柬埔寨同汶萊踢友賽，就係想令大家練好進攻。」

港隊新入籍兵米高於比賽中錯失幾個機會，未能在地標戰取得入球，「安帥」強調要給予耐性，讓對方成長，並稱讚這位19歲前鋒已能夠為港隊帶來正面影響：「米高除咗跑得快，仲喺前面hold到波，可能佢第1次喺咁多球迷代表港隊，有啲緊張搞到幾個機會都入唔到，睇吓佢之後會唔會有改善。」