加拉塔沙雷隊醫：沙夏長期反覆受傷

韋費特沙夏今夏離開水晶宮轉戰土超，喺新球會加拉塔沙雷上陣2場之後一直養傷，已經缺陣4場，隊醫表示沙夏嘅傷勢係上一隊帶落嚟，肌肉長期反覆受傷所致。

加拉塔沙雷隊醫Yener Ince表示：「沙夏嘅肌肉長期反覆受傷，佢上季為咗幫水晶宮護級，受傷都要上陣，全季交出7球2助攻，最終球隊成功護級，但佢就搞到周身傷患。」

沙夏係今夏加盟加拉塔沙雷嘅其中一位大牌球星，加盟當日受到巨星級歡迎，球隊仲有莫路伊卡迪同梅頓斯助陣，打算喺歐聯有一番作為，佢哋抽籤後落入A組，同組對手有拜仁慕尼黑、曼聯同哥本哈根。