【官宣】蘇蘭基續約般茅　合約至2027

般尼茅夫官方宣布，同剛滿26歲嘅前鋒蘇蘭基完成續約，新合約為期4年，至2027年完結。

蘇蘭基於車路士青訓出身，之後曾外借維迪斯，2017年加盟利物浦，2019年初由紅軍轉投般尼茅夫至今，共為般茅上陣179場入59球，其中喺2021至22年上陣48場入30球，協助球隊由英冠重返英超。

去年協助球隊護級成功，今季季初蘇蘭基繼續保持好表現，頭4輪英超射入2球，對舊東家利物浦亦送出一次助攻，今次續約，亦係佢生涯黃金年齡，到2027年約滿佢將會滿30歲。