盧卡古開齋助羅馬派7蛋　摩連奴：畀啲愛佢

周一(18日)意甲賽事，羅馬主場以7比0狂數安玻里，拎到今季第1場勝仗，比利時前鋒盧卡古攻入佢轉會後第1個入球，教練摩連奴賽後力撐呢位「犯眾憎」前鋒，呼籲球迷「畀啲愛佢」！

羅馬開咧3仗只得1分，今場迎戰安玻里就大爆發，2分鐘由保羅戴巴拿揭開屠殺序幕，半場輕鬆領先3比0；換邊後羅馬繼續狂攻入多4球，盧卡古喺82分鐘接應比洛迪直線單刀射入，轉會羅馬後終於「開齋」。

有盧卡古「說明書」嘅摩連奴賽後表示：「盧卡古需要快樂嘅環境，佢要感受到被愛同被需要，佢加盟後就知道羅馬需要佢呢種球員。我覺得國際米蘭唔使嬲(盧卡古背叛)，佢哋照樣喺米蘭打呲大勝，羅馬比國際米蘭更加需要盧卡古。」