唔畀季中挖角！迪薩比解約條款「夏天限定」

白禮頓擊敗曼聯後，主帥迪薩比被捧為戰術大師，因為佢只睇咗15分鐘就破解曼聯鑽石型中場，技術性擊倒坦哈格，傳媒立即查核迪薩比同白禮頓合約細節，發現佢嘅解約條款只限夏天生效，不容季中挖角。

轉會專家羅曼諾報道，白禮頓去季中試過前主帥樸達被車路士挖角，臨時簽入迪薩比領軍，球隊成績反而仲好，原來當時白禮頓為防止主帥再喺季中被挖角，同迪薩比簽定嘅解約條款只限夏天生效，季中唔能夠離隊。

迪薩比嘅解約金為1,300萬歐元(約1億港元)，如果車路士同曼聯想挖角，至少要等到明年夏天先可出手，依家眼看手勿動。