主場對曼聯點踢　杜曹：向白禮頓學習

拜仁慕尼黑將於歐聯分組賽主場出擊，迎戰曼聯，拜仁主帥杜曹雖然被罰停賽無緣領軍，但都可搖控指揮，被問到點應付曼聯，佢簡單直白咁話：「我有睇白禮頓贏曼聯場波，我會向白禮頓學習。」

杜曹曾經執教車路士一年半，多次同曼聯交手，不過曼聯近年人腳大變，特別係坦哈格入主後幾乎換晒人，所以杜曹都要重新認識對手。

杜曹表示：「拜仁已重回贏波正軌，球員已經適應主帥要求，今場對曼聯係一次考驗，估計過程可能會比較艱難，但相信拜仁能夠贏波。」

佢仲話：「曼聯近況唔好，佢哋同樣需要贏波重拾狀態，我睇過白禮頓贏曼聯場波，白禮頓把握到曼聯後防弱點，值得我哋學習，我可能會用同樣方法對付曼聯。」